Covid-19, humbasin jetën edhe 2 pacientë/ Rëndohet situata në Infektiv, 5 të intubuar

Në 24 orët e fundit, në spitalin Infektiv, kanë humbur jetën si pasojë e koronavirusit 2 qytetare: një 64-vjeçare nga Shkodra dhe një paciente 63-vjeçare nga Elbasani.

Ministria e Shëndetësisë bëri të ditur se megjithë përpjekjet e stafit mjekësor, pacientet nuk kanë mundur të mbijetojnë.

Që nga momenti i shfaqjes së pandemisë në Shqipëri, zyrtarisht kanë humbur jetën 97 qytetarë.

Ndërkohë në spitalin Infektiv vijon të ketë shtrime të reja dhe situata paraqitet shumë serioze.

LEXO EDHE  4 gabimet e mëdha që bëjmë me vrapin dhe dobësimin

Aktualisht janë të shtruar 90 pacientë në spital, 10 pacientë janë në terapi intensive dhe 5 prej tyre janë të intubuar në gjendje të rëndë.

Gjatë 24 orëve të fundit janë kryer 451 testime për të dyshuar të prekur me COVID19, nga të cilat janë konfirmuar 96 raste pozitive.