Publikon foton e pacientit të intubuar në Infektiv, Manastirliu: Covid-19 nuk është lojë

Ministrja e Shëndetësisë, Ogerta Manastirliu, ka publikuar një foto ku shihet një pacient me tuba në hundë, që po kurohet nga Covid-19.

Në foto shihet kryeinfermierja, që sipas Manastirliut, është Merita Sefa.

Infermierja po kujdeset për pacientin që po trajtohet për simptomat e rënda të virusit të rrezikshëm në spitalin infektiv. Krah kësaj fotoje, ministrja shkruan se kjo nuk është një lojë dhe se të gjithë duhet të kujdesemi për veten.

“SPITALI INFEKTIV. Kjo është kryeinfermiere Merita Sefa, e cila po i shërben njërit prej pacientëve, që aktualisht po trajtohet për simptomat e rënda të virusit të rrezikshëm në spitalin infektiv.

LEXO EDHE  "E ndiqte me thikë nëpër shtëpi, boll jetove"/ Detaje nga krimi makabër në Pogradec

Nuk është lojë, rrezikohet jeta! Sepse, siç thonë mjekët, të cilët janë çdo ditë pranë pacientëve, sëmundja është tinzare!

A mundemi ne ta kufizojmë përhapjen e COVID19? PO, nëse secili prej nesh tregon kujdes në përditshmëri. Nuk është zgjidhje trajtimi në spital, por parandalimi: Respekto distancën. Vendose maskën. Ruaj higjienën vetjake dhe kolektive. #COVID19”, shkruan Manastirliu krah fotos.