Ditën e sotme kanë nisur përgatitet për të rikthyer spitalin “Shefqet Ndroqi”, ose siç njihet si Sanatoriumi në COVID/2.
Burime bëjnë me dije se ka nisur zbrazja e këtij spitali, ku mësohet se pacientët që janë shtruar aktualisht te Sanatoriumi dhe që po kurohen për sëmundje të ndryshme do të transportohen te ish-Kirurgjia, e planifikuar për skenarin e COVID/3.
Një vendim i tillë erdhi si pasojë e numrit të lartë të të shtruarve në spitalin Infektiv, aktualisht i vetmi spital ku trajtohen pacientët me koronavirusi. Referuar buletinit ditor të ministrisë së Shëndetësisë, për ditën e djeshme në këtë spital janë të shtruar 70 pacientë, nga 120 shtretër në total.
Nëse sërish do të kemi numra të lartë shtrimesh, atëherë në skenar është spitali COVID-3, që është ish-Kirurgjia në QSUT, ç’ka do të sillte zhvendosen në një tjetër strukturë të pacientëve të Sanatoriumit dhe COVID-4 te godina e ish-universitetit privat në autostradë, raporton Report TV.
Gjithsesi zyrtarisht Ministria e Shëndet⌂sisë ka deklaruar më parë se Senatoriumi nuk do të rikthehej në një spital Covid 2, ashtu sikundër funksionoi deri në fund të majit.
