Hetimi parlamentar për Metën, çfarë pritet sot në mbledhjen e Komisionit

Komisioni parlamentar që po heton Presidentin Ilir Meta për shkelje të Kushtetutës, i rikthehet punës, pas një ndërprerjeje disa mujore,

Mbledhja e sotme, e cila pritet të nisë në orën 14:00, do të përqendrohet tek opinioni i Komisionit të Venecias mbi emërimet e vitit të shkuar të gjyqtarëve të Gjykatës Kushtetuese, që vazhdon të jetë jo funksionale.

Ky opinion, që e kërkoi institucioni i Kuvendit, i ka dhënë të drejtë Kreut të Shttit në përzgjedhjen e anëtarëve të Gjykatës Kushtetuese, dhe pezullimin e betimit të Arta Vorpsit dhe zgjedhjen e Marisa Xhaferllari, edhe pse nuk kishte renditjen më të mirë nga KED.

LEXO EDHE  Europa në ankth nga një izolim i dytë/ Rriten frikshëm të infektuarit me Covid 19

Në këto kushte, të një vlerësimi të tillë nga Komisioni i Venecias, mbetet të shikohet vendimi i maxhorancës, që në fakt ka dhënë sinjale tërheqjeje nga qëllimi i saj për të nxjerr Metën nga Presidenca përpara datës 24 korrik 2022.

Komisioni hetimor ka afat deri më datën 31 të këtij muaji për të dhënë vendimin për Presidentin Meta, që u vu nën hetim nga maxhoranca fillimisht për zhdekretimin e zgjedhjeve të 30 qershorit.