Nga 41 raste të evidentuara sot në Tiranë me Covid-19 rezulton se njëri prej tyre është gjyqtar në Gjykatën e Apelit në Tiranë.
Nisur nga rasti ka nisur hetimi epidemiologjik, ndërsa Gjykata ka vendosur që të reduktohet veprimtaria. Sipas Këshillit të Gjykatës së Apelit do të vijojë puna vetëm për çështje emergjente.
Ende nuk është e qartë se si është infektuar gjyqtari dhe nëse ka patur kontakte të shumta ose jo.
Më herët edhe Drejtuesi i Gjykatës së Posaçme Kundër Korrupsionit dhe Krimit të Organizuar, Sandër Simoni është prekur nga Covid.
Në 24 orët e fundit në vend u regjistruan 117 raste pozitive Covid, 41 prej tyre në Tiranë.
Po kështu ndërruan jetë dy pacientë, një 70-vjeçare nga Tirana dhe një pacient 66-vjeçar nga Shkodra, me sëmundje bashkëshoqëruse.
