Pesë raste të reja me Covid-19 janë konfirmuar në Gjirokastër pas testimeve të kryera në orët e fundit. Raportohet se të prekurit janë familjarë të pedagoges së Universitetit të Gjirokastrës, e cila rezultoi pozitive dy ditë më parë.
Nga raportimet mësohet se bashkëshorti, dy fëmijët, nipi dhe një kolege e pedagoges së Ekonomikut kanë rezultuar pozitivë.
Pacientët janë karantinuar në banesat e tyre dhe nuk kanë shfaqur probleme me shëndetin.
