Ditën e sotme Ministria e Shëndetësisë bëri të ditur zbulimin e 93 rasteve të reja me koronavirus nga 420 testime të kryera, shifër kjo më e larta e të infektuarve që prej 9 marsit, kur zyrtarisht në Shqipëri u zbulua pacienti i parë me Covid-19.
Por gjithashtu, dita e sotme u regjistrua një tjetër bilanc i zin ë raport me numrin e pacientëve që humbin jetën. Sipas shifrave zyrtare të publikuara nga Ministria e Shëndetësisë 4 pacientë të shtruar në infektiv dhe që ishin në intubim kanë humbur jetën.
Po referuar shifrave zyrtar, ditën e sotme janë shëruar vetëm 6 pacientë, që është edhe shifra më e ulët e raportuar prej fillimit të qershorit nga Ministria e Shëndetësisë, ndërkohë që në raportimet e mëparshme, pacientët e shëruar ishin rreth 40.
Po sipas shifrave të Ministrisë së Shendëtësisë, në Tiranë janë evidentuar 62 raste, shifra më e lartë e regjistruar në kryeqytet që prej shfaqjes së pandemisë në mars të 2019.
Referuar shifrave, por edhe gjendjes së pacientëve të shtruar në spital, duket se situata e koronavirusit në Shqipëri ka dalë jashtë kontrollit.
Pavarësisht apeleve drejtuar qytetarëve për të ruajtur distancën sociale dhe për të ruajtur higjenën personale, situata po rëndohet dhe ndoshta duhet një strategji e re, konkrete dhe që të përshtatet me hapjen.
