Coronavirusi i merr jetën babait të gazetarit të njohur shqiptar, mesazhi prekës

Ka ndërruar sot jetë nga Covid-19, babai i gazetarit të njohur nga Kosova Berat Buzhala. Lajmin e ka bërë publik vetë gazetari parmes një postimi në rrjetet sociale.

Buzhala shprehet se babai ndërroi jetë në moshën 72-vjeçare dhe se varrimi do të zhvillohet vetëm me praninë e familjarëve të afërt.

Postimi i gazetarit, Berat Buzhala:

Miq dhe mikesha,

Sot ne ora 13.00 vdiq baba i jone, Bashor Gege Buzhala, ne moshën 72 vjecare. Pas një lufte te gjate me COVID’in ai nuk arriti te fitoje. Ne sytë e mi, te vellaut dhe dy motrave, kjo është humbja e tij e pare. Ne ishim jashtëzakonisht krenare qe e kemi pasë një babe sikur ai. Tash e kemi nënën 🥰.

Baba, përveç prej ne katër fëmijeve, trashëgohet edhe nga dhjete nipa dhe mbesa.

Varrimi është nesër ne Çabiq. Për shkak te situatës se pandemisë ai do te zhvillohet vetëm ne praninë e familjareve te afërm.

Ju te gjithëve ju falënderoj për interesimin qe e keni tregu gjate gjithë kësaj kohe. Ne te tjerët jemi te gjithë shendosh dhe mire.

T’ati ka lind me 19 mars te vitit 1948 prej prindërve Gege dhe Mane. Ai ishte vet i katerti vella dhe një motër. Jeta e tij nuk ka qene aspak i lehte. Post mortem i jam mirënjohës për krejt angazhimin qe e ka bere për ne si familje.

Ju dua dhe ju falënderoj paraprakisht për ngushëllimet e shprehura.

LEXO EDHE  I prekur nga Covid-19, humb jetën inxhinieri i njohur shqiptar