Analisti Berat Buzhala, i ftuar në emisionin “Çim Peka Live” në Syri TV, komentoi zhvillimet e fundit lidhur me vendimin 4-4 të Gjykata Kushtetuese e Shqipërisë për mandatin e zëvendëskryeministres Belinda Balluku dhe presionin ndërkombëtar ndaj qeverisë shqiptare.
Sipas Buzhalës, situata aktuale nuk është thjesht juridike, por edhe politike, ndërsa theksoi se qeveria po përballet me presion në rritje nga Bashkimi Evropian për të respektuar proceset e drejtësisë.
Ai u shpreh se, në këtë fazë të integrimit, autoritetet shqiptare nuk kanë hapësirë të madhe për të kundërshtuar kërkesat që lidhen me hetimet dhe procedurat ndaj zyrtarëve të lartë.
Buzhala: Gjithë ajo zhurmë që u bë, pastaj edhe nëse i kemi parasysh emrat e gjyqtarëve kush si kanë votuar, ndonëse ju i njihni më mirë, në bazë të bisedave që kam pasur me njerëz, nuk arrij me u bind plotësisht që po të donte Rama, ndoshta vendimi do të ishte 5 me 3. Mirëpo, ka qenë, është lejuar një diskrecion, jo pse ka dasht Rama ose Partia Socialiste, po sepse kanë filluar me e ndi, le të themi, nxehtësinë që i vjen nga reagimet e Bashkimit Evropian.
Pra, duhet me e rrit presionin edhe mos me u kënaq në asnjë moment. Pra, nuk guxojnë me na shit, si me thënë, hajninë edhe krimin si ë, privilegj për ne kur këta dorëzohen. Këta, jo vetëm këta, secili njeri që është, ka probleme me drejtësinë duhet me u dorëzu në një moment të caktuar. Po, çështja ka qenë edhe për mua vazhdon me mbet edhe më tutje, me sa pasoja, me çfarë pasojash, në raporte le të themi private, jo publike, do t’ia arrijë Rama ta distancojë veten nga Belinda Balluku? Sepse që do ta distancojë, do ta distancojë.
Asnjë ligj, në atë komunikatë, atë që e publikoi ajo, që e kishte edhe një postim zoti Rama, që do të ndërhyjë në infrastrukturën ligjore për me i bë ndryshimet e mundshme ato. Tash, një gjë na e dimë. Kur je në këtë fazë në raport me Bashkimin Evropian, ti s’guxon me prek asnjë gjë ligjore pa u koordinuar me Bashkimin Evropian. Pra, nuk mundet me i prek ato. Tash, Rama edhe mundet me pas drejtë me një moment kur thotë, ose këta apologjetë e puçit prokurorial, kur thojnë, ka puç prokuroria.
Pra, mjaftonte 4 me 4 që prokuroria me i arritë synimet e veta. Faza tjetër do të jetë patjetër heqja e imunitetit. Që do t’i hiqet imuniteti, do t’i hiqet. Po a do të arrijnë me bë ndonjë marrëveshje që me u mbrojt si me thënë arrest shtëpiak ose diçka tjetër, sepse unë e besoj që aty është komplet lufta po bëhet me akomodu pastaj pasi të hiqet imuniteti. Se ajo çka ka kërkuar prokuroria, ajo nuk kthehet më prapa. Ajo do të jetë aty. Nuk e besoj që Rama është aq i guximshëm edhe nuk e ka hapësirën manovruese aq të madhe që me thënë po i them jo. Për Bashkim Evropian kanë shkuar koka kryeministrash, sesa për ministra as që bëhet llafe ajo punë. Pra, këta kapitujt e hapën, këta duhet me u mbyll disi. Këta nuk mbyllen kapitujt e hapur, nuk mbyllen vetvetiu. Që, që duhen, ndaç koka e turkut, ndaç koka e shqiptarit, do të duhen aty për me u mbyll kapitujt.
