Avokati Braho: Rama po ushtron presion me koalicionet dhe listat për të marrë garanci nga Basha

Avokati Ledio Braho tha se vettingu në Policinë e Shtetit, i cili u kthye nga Presidenti Ilir Meta në Kuvend për rishqyrtim, tha se mban në presion drejtuesit e policisë nga ana e Qeverisë.

Braho tha se kur kjo mazhorancë ka kapur vettingun në drejtësi, proces që rregullohet në Kushtetutë, ky vetting tjetër që rregullohet me ligj, është tërësisht i kapur.

“Kjo bën që drejtuesit e policisë të mbahen në presion dhe të përdoren nga Qeveria”, tha Braho.

Përsa i takon qëndrimeve të Kryeministrit Edi Rama lidhur me moslejimin e koalicioneve zgjedhore, Braho tha se Kreu i Qeverisë po kërkon një garanci, pasi e ka të qartë se do të humbasë zgjedhjet.

“Këtë garanci, Rama po e kërkon përmes presionit. Po kërkon të bëjë presion në fund të mandatit, pasi e ka të qartë se po humbet, por i duhet garanci se nuk do të ndiqet penalisht pasi të mos jetë më Kryeministër”, tha Braho.

LEXO EDHE  Denoncimi ‘bombë’/ Numri i viktimave nga Covid në Shqipëri shumë herë më i lartë! Autoritet mashtrojnë për shifrat

Avokati tha se të tentohet të ndryshohet Kushtetuta me një opozitë parlamentare që s´ka mbështetjen e popullit, është thjesht forcë kartoni, asgjë më shumë.

Braho tha se ndërkombëtarët kanë qenë shumë të qartë dhe i kanë kërkuar mazhorancës që të miratojë marrëveshjen e arritur në Këshillin Politik.

“Rama është i gatshëm të bëjë gjithçka për të vijuar pushtetin ose kërkon garanci që mos ketë probleme me ligjin kur të mos jetë më Kryeministër”, tha Braho.

Në studion e Syri TV, Braho tha se nuk ka një informacion të saktë lidhur me atë që po ndodh me Gjykatën Kushtetuese, kur do e kemi funksionale atë.

Braho tha se Parlamenti i ardhshëm duhet të ndërhyjë në Kushtetutë lidhur me atë që po ndodh me reformën në drejtësi, e cila na rezultoi një fiasko.