Aksidentoi për vdekje kalimtarin, arrestohet drejtuesi i mjetit

Një aksident i rëndë u shënua në Prrenjas një ditë më parë, ku një makinë përplasi për vdekje 25-vjeçarin Marsel Kukli. Ai u godit nga mjeti tip Audi, që drejtohej nga Ardian Halili.

Makina po lëvizte me shpejtësi kur doli nga rruga dhe goditi viktimën në trotuar.

Ngjarja u regjistrua përpara gjimnazit në Prrenjas. Autori u kap pasi u largua nga vendi i ngjarjes. Ditën e sotme, policia bëri të ditur se ka arrestuar në flagrancë shoferin.

Njoftimi i policisë

Në lidhje me informacionin e dhënë ditën e djeshme ku në aksin rrugor Prrenjas-Librazhd, shtetasi A.H., 28 vjeç, duke drejtuar mjetin tip “Audi”, humbi kontrollin mbi mjetin dhe për pasojë aksidentoi me pasojë vdekjen shtetasin M.K., 25 vjeç, ju informojmë se:

LEXO EDHE  I dehur në timon, hipën në trotuar dhe aksidenton 4 persona

Specialistët e Qarkullimit Rrugor në Drejtorinë Vendore të Policisë Elbasan, arrestuan në flagrancë shtetasin A.H., për veprat penale: “Shkelje të rregullave të qarkullimit rrugor” dhe “Largim nga vendi i aksidentit”

Materialet hetimore i kaluan Prokurorisë pranë Gjykatës së Shkallës Parë Elbasan për veprimet e mëtejshme.