U tha se u abuzua fizikisht nga bashkëlojtarët, Boldor rrëfen gjithçka për mediat rumune

Mbrojtësi rumun i Partizanit, Deian Boldor, mohoi të kishte pasur sherr me ndonjë bashkëlojtar të tij në rrjetet sociale, ndërkohë që ky lajm ka bërë bujë edhe në vendlindjen e tij.

Mbrojtësi, që ka qenë edhe pjesë e kombëtares U21 të vendit të tij, është kontaktuar nga “Gazeta Sporturilor” dhe ka rrëfyer të vërtetën e tij për ta.

Shkurtimisht, rumuni hedh poshtë gjithçka është raportuar në media duke deklaruar:  “Unë kam coronavirus, është e vërtetë, por jam në shtëpi dhe jo i shtruar në spital. Jam i shokuar, pasi të gjithë më telefonojnë të më pyesin nëse kam pasur sherr”, shprehet Boldor.

LEXO EDHE  Tirana piketon zëvendësuesin e Michael Ngo'o

“Nuk është e vërtetë që ka pasur sherr. Askush nuk është arrestuar, nuk ka pasur asnjë rrahje. Thjesht kemi diskutuar në një grup ‘WhatsApp’-i. Është shumë e shëmtuar që arriti deri këtu kjo histori”.