Mes Partizanit dhe Tiranës janë luajtur 156 takime nga viti 1947 deri në 2020, ndeshje këto të zhvilluara në dy kompeticionet më të mëdha të futbollit shqiptar, kampionat dhe kupë.
Partizani ka fituar më shumë se Tirana në derbi, plot 66 ndeshje, ndërsa bardheblutë numërojnë 42 fitore. Ndërkohë 48 takime të tjera kanë përfunduar në barazim.
“Të Kuqtë” gjithashtu kanë në avantazhin e tyre edhe numrin më të madh të golave të shënuar teksa kanë tundur rrjetën e bardhebluve 219 herë, përkundrejt 174 golave të Tiranës ndaj Partizanit.
Golat e fundit në derbi, i përkasin datës 13 dhjetor 2019, aty ku Tirana shkatërroi 5-1 rivalët e kryeqytetit, teksa shënuan Batha (2), Idrizaj 63′ (aut), Muçi (2), ndërsa për Partizanin shënoi William Melo.
Në supersfidën e sotme, pesë lojtarë do të kenë statusin e ish-ve. Erando Karabeci, Edvan Bakaj, Tefik Osmani, Idriz Batha, Agustin Torasa, kanë pasur përvojat e tyre në të shkuarën te Partizani, ndërsa te të kuqtë Dorjan Kërçiku është lojtari i vetëm që ka luajtur me kundërshtarët.
