Emanuel Egbo, trajneri i Tiranës, pas derbit me Partizanin foli direkt në emisionin “Gol pas Goli” në Supersport. “Kur vjen sprinti i fundit, të gjithë janë në ankth. Jo vetëm ne. Derbi dihet si është, nuk është një ndeshje normale. Kërkon shumë motivim kjo lloj ndeshje. Vinim pas dy humbjeve, që kanë ndikuar në vetëbesimin e lojtarëve. Duhet të kënaqemi me barazimin, që erdhi në fund”.
“Zëvendësimet? “Ndërrimet duhen bërë jo se duhen bërë. Shohim si vendosen ekipet. Muça ishte i lodhur dhe bëmë zëvendësuam. Pastaj kaluam me dy sulmues. Muçi bëri atë që i kërkuam, të presë spondin nga Ngoo”.
“Mendojmë për ndeshjen e Kupës, pastaj për kampionatin. E kemi vetë në dorë, nuk varet nga të tjerët. Në tre ndeshjet e mbetura do kërkojmë pikët që na duhen. Në fund bëhen llogaritë, siç edhe e kam thënë shpesh”.
“Skuadra është e bashkuar, prandaj barazuam në fund. Edhe ata që ishin në pankinë mundoheshin të ndihmonin. Të gjithë ishim të bashkuar për të marrë këtë barazim, që na takon. Edhe pas ndeshjes së Kukësit më dhanë besim gjatë stërvitjeve. Duke qenë të bashkuar mund të arrihet objektivi. E bëmë sot, ia dolëm të mos humbnim. Po na ikte nga duart. I falënderoj çunat, të gjithë pa përjashtim”.
DENONCO