Boni sevap për Knut Fleckenstein jua boft Zoti mar…!

Nga Boldnews.al

Ai është vartësi i Gramoz Ruçit, këshilltar i tij. Vjen nga bota përëndimore dhe ka përfaqësuar Gjermaninë në Parlamentin Europian, por në fundin e karrierës së tij, duket se e kuptoi se ishte në vendin dhe kohën e gabuar.
Bëhet fjalë për Knut Fleckestein ish-raportuesin e Shqipërisë në Parlamentin Europian.

Pikërisht ky personazh që nën petkun e Eurodeputetit ishte kthyer për disa vite në mbrojtësin më të madh të kryeministrit Edi Rama.

Ndonëse në Shqipëri kryefjala ishte dhe është korrupsioni, trafiku i drogës, krimi i organizuar dhe shkeljet e të drejtave të njeriut, Flekestein habiste jo pak me raportime në BE-, duke pasqyruar një pamje rozë të asaj që ndodhte në vendin tonë.

Gjithashtu njihet si politikani që anatemoi opozitën në çdo nismë të saj për daljen e përkohëshme nga Parlamenti apo edhe protestat. Knuti mbeti pa punë… Në zgjedhjet e një viti më parë ai nuk u fitoi më mandatin si përfaqësues i Parlamentit Europian. Një humbje e “madhe” jo vetëm për të, por mbi të gjitha për kryeministrin Rama, i cili nuk do të kishte më një zë më shumë që ta mbronin në mexhlizin e Europës në Bruksel. Dhe ai ka dhënë disa herë prova që është hipnotizuar nga Rama dhe Rilindja.

Dallimi mes Fleckestein dhe Elisa Spirapalit duket se është vetëm në gjini, njëri burrë, tjetra grua, pasi për bindje dhe mbrojtje deri në marrëzi për Ramën, ata të dy nuk ndryshojnë. Kush ka dyshime për këtë mjafton që shohë një vendim të një muaji më parë kur kryetari i Parlamentit Gramoz Ruçi i gjeti punë Knutit.

“I lumtur që të që të filloj punën për anëtarësimin e plotë të Shqipërisë në BE. Parlamenti shqiptar po luan një rol të rëndësishëm në këtë proces. Faleminderit kreut të Kuvendit për besimin e tij. Mezi e pres bashkëpunimin me të gjithë aktorët shqiptarë”, shkruan Fleckenstein.

LEXO EDHE  Nishani: Ja hapat që do të ndiqen për seleksionimin e kandidatëve në PD

Kjo “mirënjohje e madhe” i erdhi fill pasi mësoi se më në fund për të u gjet një punë në Shqipëri dhe ai do të ishte vartës i Gramoz Ruçit. Boldnews.al ka siguruar edhe një foto ku Flackestein pret “Bos Mozin”, përballë zyrave të Kuvendit, i ulur në shkallë.

Në fakt kjo tregon shumë, jo vetëm shpirtin e “lirë” të Knutit që ulet lirshëm si “çun lagjeje” në bordura dhe shkallë, por afrimitetin që ka me të pushtetshmit. Gjithsesi ka një problem që vështirë të zgjidhet lehtë. Për tu marrë vesh me “Bos Mozin” gjithnjë do i duhet një përkthyes.

Kryetari i Kuvendit as ka më nerva të mësojë mirë anglisht, e aq më pak gjermanisht, por Knuti mund ti futet rrugës së mësimit shqip. Këtë mund ta marrin përsipër FRESH-istët, apo edhe ndonjë deputete me formim të “gjerë” që veprën e Servantes (Don Kishotin) e ngatërron me përkthimin e Fan Nolit.

Nuk është vetëm një punësim i zakonshëm për Knutin. Ai nuk është as nga Tepelana, si ndonjë kushëri i largët apo mik i kryeparlamentarit Ruçi, as anëtar i Partisë Socialiste, sepse zakonisht punësimet nepotike (historikisht për vendin tonë nuk kanë munguar). Po flasim për ish-deputetin e Parlamentit Europian i cili tashmë ka për shef direkt Ruçin dhe si kryeshef Edi Ramën. Ndaj ai rri e pret në shkallët e institucioneve tona, si i porsapunësuar, por që do të ndjekë edhe rregulloren “strikte” dhe orarin fiks të shefit…