Simeone i lëshon “sinjal” babait të tij: Dua kalimin te Atletico Madrid!

Sulmuesi i Cagliarit, Giovanni Simeone, pranon publikisht që dëshira e tij më e madhe është të luajë për Atletico Madrid, skuadër e cila drejtohet nga babai i tij, tekniku Diego Simeone.

Duke folur për “ESPN”, 25-vjeçari tha: “Dëshiroj të luaj për Atletico Madrid më shumë se gjithçka. Kjo pasi unë gjithmonë e kam ëndërruar diçka të tillë që në moshë të vogël.”

“Babai im e drejton këtë skuadër por edhe po të mos ishte kështu, sërish do të kisha të njëjtën dëshirë në fund të fundit kjo është ëndrra ime.”

“Shpresoj se babai im një ditë të bëhet edhe trajneri im, edhe pse raste të tilla zakonisht nuk funksionojnë ashtu siç duhet.”

LEXO EDHE  Gavazaj: Me Kukësin synoj titullin kampion