Egbo: Shtyrja e derbit? Rregullorja flet qartë, ndaj Partizanit na duhen tre pikët!

Derbi i kryeqytetit mes Partizani dhe Tiranës luhet mbrëmjen e nesërme duke filluar nga ora 20:45.

Përpara derbit të fundit për këtë sezon, ka dalë para medieve trajneri i bardhebluve, Emanuel Egbo. Egbo foli edhe për dy rastet pozitivë me COVID-19 te kundërshtarët, ku deklaroi se ndeshja nuk mund të shtyhet dhe këtë e thotë dhe rregullorja.

“Besoj se dy lojtarë janë infektuar, tani presim rezultatin e testeve të të tjerëve. Nuk kemi frikë, por normalisht duhet kujdes. Është diçka normale, nuk është hera e parë”, tha Egbo, i cili u pyet në lidhje me rrezikun që të mos luhet derbi.

LEXO EDHE  Serie A/ Sot luhen pesë takime, spikat Juventus-Verona

“Nuk është puna ime. Rregullore ka. Kampionati vazhdon, edhe nëse ka lojtarë të infektuar. Ata izolohen dhe pjesa tjetër luan. Çdo lojtar i Partizanit, apo i Tiranës, qofshin edhe të ekipit U19, futen në fushë. Ndaj bëhen llogaritë edhe me ata”, deklaron mes të tjerash tekniku i bardhebluve.

Egbo është i qartë në lidhje me objektivin në derbi: “Vetëm tre pikët në nevojiten. Ne jemi të fokusuar tek objektivi ynë. Nuk ka sfida personale, unë jam punëtor i këtij klubi. Mendoj si ta çoj ekipin përpara.”