Një mjek pediatër dhe 4 infermierë kanë rezultuar pozitivë me Covid-19 pas testeve të kryera në Elbasan.
Të 5 personat, staf mjekësor i spitalit të Elbasanit, dyshohet se janë infektuar nga pacientet apo personeli që ndodheshin në pavijonin e Gjinekologjisë, i cili u mbyll pasi rezultuan pozitiv me Covid-19, katër infermiere.
Pas mbylljes, pacientët dhe personeli i këtij pavioni u transferuan në një tjetër ambient të qendrës spitalore, por sot pesë të tjerë kanë rezultuar të infektuar.
Gjatë ditës së sotme, Ministria e Shëndetësisë evidentoi 68 raste të reja, në 13 qytete, ndërkohë që dy persona humbën jetën duke e çuar në 83 numrine viktimave nga Covid-19.
