Siç është bërë e ditur, duke filluar nga faza çerekfinale Liga e Kampionëve do të zhvillohet zyrtarisht si një miniturne tre raundësh në Portugali, në gusht.
Për të arritur deri atje më parë duhet të kualifikohen edhe katër ekipe të tjera për të marrë pjesë në “Final Eight” të Lisbonës dhe rrethinave të saj.
Deri më tani të kualfikuara për në fazën çerekfinale janë, Atletico Madrid, Leipzig, Atalanta dhe PSG-ja ndërsa mbetet të luhen edhe ndeshjet e kthimit të 1/8 finale: Juventus-Lyon, Barcelona-Napoli, Bayern-Chelsea dhe Manchester City-Real Madrid, për ta kompletuar raundin e radhës në këtë kompeticion.
Ashtu siç raporton, AS, UEFA ka vendosur që pikërisht këto katër ndeshje të mbetura, priten të luhen në stadiumet përkatëse të skuadrave.
