Fitorja e djeshme e Kukësit ndaj Tiranës e ngushton diferencën mes skuadrave në vetëm 6 pikë, duke ringjallur shpresat për verilindorët.
Pas përfundimit të ndeshjes, presidenti i nderit i verilindorëve , Safet Gjici është shprehur se duhet të ishte Kukësi në vendin e Tiranës, por janë në vendin e dytë për shkak të gabimeve të tyre.
“E rëndësishme është që kjo fitore vlen për shumë aspekte. Ekipi i Kukësi duhet të ishte në vendin që është Tirana sot. Për faj të gabimeve jemi këtu ku jemi. Kampionati vazhdon. Futbolli kështu e ka. Objektivi duhet të vazhdojë deri në fund.”
“Nuk duhet të dorëzohemi. Futbolli është i çuditshëm. Fitore morale, por edhe na duhen 3 pikët. Tirana ka punët e veta ne kemi punët tona. Nëse klubi vendos premio do e merrni vesh.”, u shpreh Gjici.
Deri në përfundimin e sezonit kanë mbetur edhe 4 ndeshje, ku sigurisht Tirana mbetet favoritja kryesore për titull kampion.