Covid-19, Rakacolli: Pishinat nuk lejohen, kujdes

Mira Rakacolli, zv.ministre e Shëndetësisë dhe anëtare e Komitetit Teknik kundër Covid-19 tha mbrëmjen e sotme se në këtë fazë që është pandemia nuk lejohet hapja e pishinave.

Rakacolli tha se pishinat, grumbullimet në ambientet e hapura apo të mbyllura, ceremonitë mortore nuk lejohen.

Në studion e Abcnews, Rakacolli tha se rritja e rasteve me Covid-19 ka të bëjë me hapjen e shoqërisë, shtimin e kontakteve, por edhe mos respektimin e masave nga qytetarët.

LEXO EDHE  Goxhaj i përgjigjet Bratajt të Urgjencës: O oficer i armatës së bluzave të bardha të Plandemisë

“Nuk respektohen protokollet e sigurisë, nuk mbahen maskat, nuk ruhet higjena e duarve, nuk ruhet distancimi social.

Kjo nuk është çështje e policisë, pasi janë mbi 1 mijë persona aktivë që s’mund ti vemë nga një polic në derë që të shikojë a thyejnë apo jo karantinën.

Njerëzit respektuan rregullat në fazën e parë, duhet të respektojnë protokollet e sigurisë”, tha Rakacolli.