Shtimi i rasteve me Covid-19, Kosova aplikon masat e reja/ Rikthehet kufizimi i lëvizjeve

Qeveria e Kosovës ka vendosur të marrë masa të reja anti-covid, që u prezantuan nga Kryeministri Avdullah Hoti.

Hoti tha në një konferencë për mediat se është marrë vendimi që nga sonte në ora 21:00 deri në ora 5:00 të mëngjesit të kufizohet lëvizja në Prishtinë, Prizren, Ferizaj e Vushtrri.

“Në qytetet ku ka numër te madh do të kufizohet plotësisht lëvizja. Nga sonte në Prishtinë, Prizren, Ferizaj, Vushtrri. Do te kufizojmë plotësisht lëvizjen nga ora 21:00 deri në orën 5:00 në mëngjes. Do të përcjellim pastaj lëvizjet e numrave me infektime”, ka thënë Hoti.

Ai shtoi se gjithashtu do të reduktohen punëtoret e institucioneve, dhe do të punohet vetëm me staf esencial. Sipas rregullores Hoti ka thënë se do të përcaktohet se çfarë do të nënkuptohet me staf esencial.

LEXO EDHE  Misteri, 13-vjeçari dërgohet i vdekur në spital

“Do të reduktojmë numrin e të punësuarve në institucione vetëm në staf të domosdoshëm. Në institucione shëndetësore, do të reduktohen të gjitha shërbimet që janë jo-esecenciale që presin”, tha Hoti.

Sa i përket funksionimit të gastronomisë dhe restoranteve, Hoti ka thënë se nga sonte të gjitha lokalet e gastronomisë do të jenë të mbyllura nda ora 21:00 deri në orën 5 të mëngjesit.

“Lejohet puna vetëm në hapësira të hapura dhe take away”, u shpreh Hoti, duke shtuar se gjithashtu numri i njerëzve që do të shfrytëzojnë trafikun urban do të përgjysmohet.