Rastet me Covid-19 në Berat, mes të infektuarve edhe një mësuese dhe një polic

Në Berat në 24 orët e fundit janë konfirmuar me Covid-19, 8 persona, kontakte të rasteve të mëparshme. Me pacientët e konfirmuar sot, numri i personave të prekur në qarkun e Beratit ka shkuar në 16 persona.

Referuar të dhënave, njëri prej rasteve është një punonjës policie dhe një mësuese anglishte në një nga shkollat e Beratit.

Të infektuarit janë 6 meshkuj dhe 2 femra, me moshë nga 32-87 vjeç dhe janë të gjithë kontakte të rasteve të mëparshëm.

LEXO EDHE  ‘U zunë dhe më pas ...’/ Dalin detaje të reja nga vrasja në Gjirokastër, identifikohet autori

Një çif të moshuarish, përkatësisht 87 dhe 86-vjeç janë infektuar nga komshija e tyre, gruaja 45-vjeçare që rezultoi e prekur disa ditë më parë dhe u dërgua në gjendje të rëndë drejt Spitalit të Tiranës.

4 raste janë kontakte të të burgosurit në IEPV-në e Beratit,që u infektua gjatë qëndrimit 3-mujor në banesë për shkak të pandemisë. Edhe punonjësi i policisë dhe mësuesja e anglishtes, testet e të cilëve rezultuan “pozitiv” me Covid-19 janë kontakte të rasteve të mëparshme.