Dy të huajve u sekuestrohen 31 000 Euro të padeklaruara në Rinas

Rreth 31 000 euro janë sekuestruar në Rinas dhe dy persona janë proceduar penalisht pasi nuk deklaruan paratë te autoritet në aeroport.

“Në hyrje të Republikës së Shqipërisë, gjatë kontrollit të imtësishëm të bagazheve dhe kontrollit fizik të shtetasit M. U., banues në Turqi, shërbimet e Policisë Kufitare gjetën në çantën e dorës së këtij shtetasi shumën 12900 euro, të cilën ky shtetas nuk e kishte deklaruar në momentin e hyrjes.

Po në hyrje të Republikës së Shqipërisë, gjatë kontrollit fizik të shtetasit G. Q, banues në Austri, shërbimet e Policisë Kufitare i gjetën në çantën e shpinës shumën 18500 euro, të cilën ky shtetas në momentin e hyrjes në nuk e kishte deklaruar”, njoftoi policia.

LEXO EDHE  Situata në Kakavijë/ Meta apel Ministrisë së Jashtme: Kontaktoni me palën greke, zgjidhja duhet të jetë e menjëhershme

“Në përfundim të veprimeve të kryera nga specialistët për Hetimin e Krimit në Policinë Kufitare Rinas, shtetasit M. U. dhe G. Q. u proceduan penalisht për veprën penale ‘Mosdeklarimi në kufi i të hollave dhe sendeve me vlerë’, ndërsa shuma e eurove u sekuestrua në cilësinë e provës materiale. Materialet i kaluan Prokurorisë, për veprime të mëtejshme”, shtuan të njëjtat burime.