Dy të arrestuar dhe një në kërkim për kultivim droge, në pranga edhe kryeplaku

Dy persona janë arrestuar dhe një tjetër është shpallur në kërkim në Vlorë për shkak se akuzohen që kanë lidhje me bimët narkotike të mbjella në fshatin Drashovicë të Selenicës.

Konkretisht në prangat e policisë ka rënë 62-vjeçari me inicialet K. F, banues në fshatin Drashovicë, pasi dyshohet se ka kultivuar disa bimë narkotike në një përrua në fshatin Drashovicë. Po ashtu është shpallur në kërkim F. R, 56 vjeç, banues në fshatin Drashovicë, pasi në livadhet e Drashovicës dyshohet se ka kultivuar disa bimë narkotike kanabis, të cilat janë asgjësuar. Në total nga këta operacione janë asgjesuar rreth 220 bimë, bënë me dije burime zyrtare nga policia.

LEXO EDHE  Kriza ekonomike, Braçe: S’kemi faj që na ra pandemia. Po punojmë për ligjin e hashashit

Në prangat e policisë ka rënë edhe kryeplaku i fshatit M. R., 53 vjeç, pasi dyshohet se ka patur dijeni për rastet e kultivimit dhe nuk ka kallëzuar në Polici.