Përhapja e Covid-19, OBSH: Çdo person të mbajë përgjegjësi për veprimet që bën

Organizata Botërore e Shëndetësisë (OBSH) ka paralajmëruar se pandemia e koronavirusit është duke u përhapur më shumë se në fillim kur shpërtheu virusi.

“Çdokush duhet të jetë i vetëdijshëm për rrezikun që ka koronavirusi, duhet të marrim masat vetë dhe mbi të gjitha të sigurohemi për ambientin në të cilën ndodhemi, rrezikun e kontaminimit që ambienti mund të ketë. Jemi ne ata që kemi në dorë çdo gjë, ne vendosim kur dalim, ne vendosim se kur duam të udhëtojmë”, tha Mike Ryan.

Ai theksoi se çdokujt i nevojitet informacion për rrezikun që sjell çdo veprim i yni.

LEXO EDHE  Epidemilogu: Në prill-maj, vdekjet ranë me 3.1 %, rrëzohen tezat se njerëzit po vdisnin në shtëpi

“Ne mund të këshillohemi nga qeveria, nga shkenca por në fund jemi ne ata që kemi në dorë jetën tonë. Në fillim është përgjëgjësia jonë, më pas e komunitetit, përfundoi, Ryan.

Vetëm Shtetet e Bashkuara më 1 korrik, kanë raportuar 50,000 raste të reja në 24 orë. Shkalla e infektimit javën e kaluar ka arritur në nivelin më lartë, sipas të dhënave të OBSH-së.

Kjo situatë duket se ka ndryshuar edhe tonin e presidentit amerikan, Donald Trump për vendosjen e maskave, i cili u shpreh se do të mbajë maska në situatat kur është e nevojshme.