Një bebe një muajsh e gjysmë ka rezultuar pozitiv me Covid 19 në repartin e pediatrisë në QSUT.
Nga të dhënat e para mësohet se fëmija i seksit mashkull po mbahet nën mbikqyrjen e mjekëve, ndërkohë që ende nuk dihet se cilat janë simptomat e tij.
Nuk dihet sesi mund të jetë infektuar bebja, ndërkohë që sot pritet një hetim epidemiologjik lidhur me rastin.
Rastet e fëmijëve që kanë rezultuar pozitiv me Covid 19 në vendin tonë kanë qenë të shumta, por asnjë prej tyre derimë tani nuk kishte pasur nevojë për shtrim spitalor.
Në javët e fundit ka pasur një shtim të rasteve me Covid-19 në vendin tonë, duke rritur ndjeshëm numrin e personave aktivë me koronavirus. QSUT u kthye në një vatër të rrezikshme të përhapjes së Covid-19, veçanërisht në disa prej reparteve, ku ishin të shtruar qytetarë me sëmundje të rënda.
