Në vendin tonë ka më shumë gra të infektuara në raport me burrat, është shprehur në një intervistë për Abc News këtë të enjte ish ministri i Shëndetësisë, Ilir Beqaj.
Beqaj ka theksuar se një raport i tillë shpjegohet se, pjesa më e madhe e të infektuarve janë infermiere, punojnë në call center dhe fasoneri, ku pjesa më e madhe në këto sektorë janë gra.
“Ka më shumë gra se burra të prekur në Shqipëri pasi call center, infermierët në spital dhe fasonët ka më shumë gra si forcë punëtore ndaj dhe kemi një numër më të madh të prekurish më shumë te kjo gjini në krahasim me shumë vende nuk do të thotë që po shkojmë ndryshe. Unë nuk jam mjek virolog, por mund të them se përsa kohë është zbërthyer në laborator sekuenca e këtij virusi, dhe njerëzit që preken rezultojnë në skaner me shenja në mëlçi kjo është fakt. Por nëse është nga kafshët te njeriu apo i prodhuar në laborator nuk mendojnë se kjo ka rëndësi. Dikur dhe HIV nga laboratorët ka dalë nga majmunët dhe erdhi nga Afrika”, ka thënë ish ministri.
Ish ministri ka theksuar se situata në vjeshte pritet të jetë më e rrezikshme ndaj ministria e Shëndetësisë duhet të mendojë si do e menaxhojë.
“Ministria e Shëndetësisë të mendojë që tani për situatën në vjeshtë, e shikoj të rrezikshëm situatën. Rritja e numrit të të prekurve ende jo mjaftueshëm që të kaojë gjysmën por edhe lodhjen fizike të trupës shëndetësore”, është shprehur Beqaj.
