Basha tregon bisedën me Di Maio: PD do përshpejtojë procesin e integrimit në BE

Kreu i PD, Lulzim Basha, nëpërmjet një statusi në Twitter, tregon se sot pati një bisedë telefonike me Ministrin e Jashtëm të Italisë, Luigi Di Maio.

Basha shprehet se ka falenderuar Di Maion për ndihmën që i ka dhënë Shqipërisë dhe për zërin e fortë në mbështetje të integrimit në BE.

Lideri demokrat thekson se ka garantuar Di Maion, se PD do të bëjë gjithçka që i takon për të përshpejtuar procesin e integrimit.

Postimi i Bashës:

Sot pata një bisedë telefonike me  Ministrin e Jashtëm të Italisë, Luigi Di Maio. E falenderova për ndihmën e madhe që Italia i ka dhënë Shqipërisë dhe për zërin e fortë në mbështetje të integrimit të Shqipërisë në BE.

LEXO EDHE  Krimi mund të ketë ndodhur për floririn e gjetur/ Ndryshon pista e vrasjes në Gjirokastër! Viktima dhe autori ishin gërmues varresh

Ministrin Di Maio e njoha me përfundimin e  kodifikimit të reformës zgjedhore, e cila është dhe një nga 15 kushtet për hapjen e negociatave për anëtarësim në BE. Miratimi sa më parë i reformës do t’i hapë rrugë zbatimit të saj, duke shtuar garancitë për zgjedhje të lira dhe të ndershme.

E garantova se PD do të bëjë gjithçka që i takon për të përshpejtuar procesin e integrimit. Italia do të jetë një partner kyç i PD në qeverisjen e vendit, si në luftën kundër krimit dhe trafiqeve, ashtu edhe në zhvillimin ekonomik, ku padyshim investitorët Italianë luajnë një rol të rëndësishëm.