Rama: Akuza ndaj Thaçit e Veselit një fletërrufe, thellësisht e padrejtë

Kryeministri Edi Rama u shpreh nga Prishtina se fletërrufeja, të cilën ai ka quajtur akt-akuzën nga Gjykata Speciale, per Presidentin Hashim Thaçi, është thellesisht e padrejtë.

“Jam këtu në funksion të një nevoje kombëtare për ti dhënë një mbështetje të plotë Kosovës dhe të gjithë përfaqësuesve politike të saj në kushtet kur e dimë, ka ndodhur diçka e rëndë dhe thellësisht e padrejtë.

Pothuajse për dy dekada në Kosovë procesi i vënies së drejtësisë për krimet e luftës është konceptuar, mbështetur dhe zhvilluar si një proces i pangashëm, nga procesi i shtet ndërtimit, pajtimit ndëretnik, Integrimit në BE, i dialogut dhe normalizimit të marrëdhënieve me Serbinë.

Në këtë formë është formuluar edhe në strategjinë e zgjerimit të Ballkanit perëndimor nga BE. Ndërkaq, është e kuptueshme që procesi i vështirë i pajtimit nuk është vetëm çështje e ballafaqimit me të kaluarën, por edhe e ndërtimit të së ardhmes, përmes politikës”, tha Rama.

Ai theksoi se komunikata, e cila për mua është një fletërrufe e ngjashme me komunikata publike përgjatë revolucionit kinez, kur ne e kemi jetuar në Shqipërinë e diktaturës është e pashembullt dhe e kombinuar dhe me momentin e publikimit të saj, përbën një arsye nëse është i qëllimshëm apo jo, në prag të një takimi në Shtëpinë e Bardhë për të thënë se historia e kësaj gjykate nisi të shkruhet në një akt që abortoi një proces që lidhet me paqen, politik.

“Sigurisht, që takimi në Shtëpinë e Bardhë përbën një moment të rëndësishëm dhe është vijim i në përpjekje me shumë stacione, por edhe një mundësi për ta çuar procesin në një nivel të ri me mbështetjen e drejtpërdrejte të SHBA”, tha Rama.

LEXO EDHE  Shpërthimi në Bejrut/ Meta mesazh ngushëllimi: Solidarizim me popullin e Libanit

“Dëshiroj të bëj të qartë faktin se unë jam këtu në funksion të një nevojë kombëtare, besoj për t’i dhënë një mbështetje të plotë Kosovës dhe të gjithë përfaqësueseve politik të saj. Në kushtet kur të gjithë e dinë se ka ndodhur diçka e rëndë dhe padrejtë.

Më vjen mirë të them që është privilegj të jesh në pozicionin që jam unë dhe të jepet mundësia të kontribuosh. Dua ta bëj të qartë që më vjen keq kur shoh në reagime të ndryshme dhe këtu flas për reagime në nivelin qytetar se si helmi i jetës së përditshme ka penetruar në bazën e politikës kombëtare që janë qytetarët dhe ndikon të mos kuptohet. Ndërkohë ndikon të deformohet thelbi i shqetësimit që sot duhet t kemi si komb.

Nuk lidhet as me dy persona as me karrierën e tyre , por me vlerat e luftës për liri të Kosovës. Mendoj që ky është momenti ku kemi një krizë të shkaktuar nga kjo fletë rrufe, por kemi mundësi të madhe për të vënë në pah jo thjesht vlerat e luftës, por të vërtetën elementare se Kosova ishte viktima dhe jo agresori”, tha Rama.