Kur do të nisin testet serologjike në popullatë? Përgjigjet Manastirliu

Ministria e Shëndetësie, Ogerta Manastirliu tha se brenda kësaj jave do mblidhet komiteti i ekspertëve për të vendosur se kur do të bëhen testet sterologjike në popullatë.

“Këtë javë do mblidhet komiteti i ekspertëve ku do të vendosë se kur do të fillojnë testet serologjike në popullatë”, tha Manastirliu në një emision televiziv.

LEXO EDHE  Të hënën drejt Hagës, Thaçi: Do të përballemi me dinjitet

Testi i serologjisë tregon nëse një person ka qenë i prekur me koronavirus.

Ministria e Shëndetësisë njoftoi këtë të hënë në bilancin ditor 64 raste të reja me COVID. Tre persona humbën jetën në 24 orët e fundit, sipas të njëjtave burime. 970 janë rastet aktive, ndërsa 83 pacientë janë të shtruar në spital.