Quique Setién do të largohet nga skuadra e Barcelonës nëse nuk arrin të fitojë La ligën në sezonin aktual.
Kështu deklaron gazetari i Mundo Deportivos, Francesc Aguillar, i cili shton se klubi katalanas është në kërkim të trajnerit të ri, pasi skuadra nuk po bind aspak nën urdhrat e teknikut spanjoll, ku rezultati i fundit zhgënjyes ishte barazimi 2-2 me Celta Vigo-n.
Ndërkohë një lajm i bujshëm vjen nga gazeta angleze, “Express”, sipas së cilës Barcelona do të tentojë rikthimin në klub të legjendës së saj, Pep Guardiola.
Sipas këtij raportimi, ky skenar do të ndodhte nëse Manchester City-t, do ti konfirmohet dënimi nga UEFA ku u përjashtua për 2 vjet nga Liga e Kampioneve.
Nëse CAS merr këtë vendim kundër City-t, atëherë me gjasa Guardiola do të shihte diku tjetër për të fituar një trofe që i mungon prej 9-të vitesh dhe opsioni më i mundshëm do të ishte rikthimi te Barcelona.
