Eksperti amerikan: Kemi një problem serioz me COVID

Drejtuesi i sëmundjeve infektive në SHBA, Anthony Fauci, ka thënë se vendi ka një problem serioz në lidhje me koronavirusin pasi 16 shtete kanë shënuar rritje të lartë rastesh.

“Mënyra e vetme si t’i japim fund është ta bëjmë sëbashku”, tha ai gjatë një deklarate për të parën herë pas dy muajsh.

Ekspertët bënë thirrje që të bëhet më shumë mes qytetarëve për të ndaluar përhapjen e koronavirusit. Të premten në SHBA u konfirmuan më shumë se 40 mijë raste. Kjo shifër ishte më e larta ditët e fundit.

Në Shtetet e Bashkuara ka mbi 2.4 milionë të infektuar. Rreth 125 mijë persona kanë humbur jetën, më shumë se çdo vend tjetër.

LEXO EDHE  Covid 19 është Lufta e III Botërore?/ Rusët hedhin dyshime të forta: Shtetet po e përdorin kundër njëra-tjetrës

Gjatë konferencës së të premtes, task-forca e ngritur në Shtëpinë e Bardhë apeloi që testin ta bëjnë gjithashtu të rinjtë edhe nëse janë asimptomatikë.

Në Teksas, Florida dhe Arizona, planet për rihapjen janë pezulluar për shkak të rritjes së rasteve. Disa thonë se kjo vjen si rezultat e testimeve të gjera, por shkalla e pozitivitetit në disa zona po rritet gjithashtu.

Zyrtarët e shëndetësisë në SHBA kanë llogaritur se numri i vërtetë i rasteve mund të jetë 10 herë më i lartë se shifra e raportuar.