Këshilli Politik ka arritur të përmbyllë mesnatën e së enjtes draftin për Kodin e ri Zgjedhor, i cili do të zbatohet që prej zgjedhjeve të ardhshme parlamentare. Pritet që drafti të depozitohet në Kuvend dhe të miratohet, ndërsa kërkesat e opozitës parlamentare, do të shqyrtohen prej 30 qershorit, pasi ndryshimi i sistemit zgjedhor, ka nevojë për ndërhyrje në Kushtetutë.
Sipas draftit, që pritet të miratohet formalisht nga Komisioni ad-hoc parlamentar për reformën zgjedhore, periudhat zgjedhore janë mes 15 prill-15 maj, ose në periudhën 15 tetor- 15 nëntor.
Drafti parashikon që 4 muaj para zgjedhjeve, Qeveria nuk ka të drejtën të miratojë vendime që konsiderohen favorizuese dhe që ndikojnë te zgjedhësit. Këtu përfshihen vendimet që kanë të bëjnë me rritje pensionesh, ulje taksash etj.
Gjithashtu 4 muaj përpara zgjedhjeve qeveria mund të zhvillojë aktivitete vetëm me lejen e KQZ.
Dokumenti:
KQZ do të refuzojë listat e partive politike nëse nuk kanë 30 % femra.
Qeveria 4 muaj përpara zgjedhjeve nuk mund të marrë vendime favorizueze, si ulje taksash, rritje pensionesh, etj
4 muaj përpara zgjedhjeve qeveria mund të zhvillojë aktivitete vetëm me lejen e KQZ. Nëse KQZ vlerëson se aktivitet janë me natyrë elektorale i bllokon ato dhe transmetimi në media është i ndaluar
KQZ aktuale do të shkrihet ditën që Kodi i ri Zgjedhor do të hyjë në fuqi
Kryekomisioneri do të ketë mandat 7 vjet. Nën komisioneri 4 vjet. Anëtarët e Rregullatorit 5 vjet, ndërsa të KAS 9 vjet.
Për zgjedhjen e këtyre 12 anëtarëve të rinj, PD do të sjellë në Kuvend një të dërguar të posaçëm.
