Një tërmet me magnitudë 5.4 të shkallës Rihter ka goditur në kufirin mes Turqisë dhe Iranit këtë të Enjte.
Nuk raportohet për viktima apo të lënduar nga mediat e të dyja vendeve.
Sizmologu i njohur turk, Süleyman Pampal u shpreh se në këtë zonë mund të ketë në të ardhmen tërmete me magnitudë mes 5 dhe 7 të shkallës Rihter.
Profesori i Universitetit “Gazi” në Ankara vuri në dukje se ndërtesat tradicionale në këtë rajon, të ndërtuara me gurë e baltë, mund të pësojnë dëme nga kjo forcë goditëse e tërmeteve, që mund ti kushtojnë jetën qytetarëve.
