Manjani: Nëse nuk provohet që Tahiri lejoi drogën, s’ka kuptim dënimi për shpërdorim detyre

Ish-ministri i Drejtësisë, Ylli Manjani shprehet se nëse drejtësia nuk arrin të provojë se Saimir Tahiri lejoi drogën, dënimi për shpërdorim detyrë nuk ka kuptim.

Komenti i Manjanit vjen ditën kur Apeli i Gjykatës së Posaçme vendosi shtyrjen e dhënies së dënimit për ish-ministrin e Brendshëm. Në shkallën e parë, gjykata hodhi poshtë akuzat ndaj tij për trafik droge dhe e dënoi me shërbim prove për shpërdorim detyre.

Pas apelimit të çështjes nga të dyja palët: Tahiri dhe prokuroria, çështja ka kaluar në Apel.

Reagimi i Manajnit

Ish-ministri i Drejtësisë Manjani, në një postim në FB, shkruan:

Kam thënë dhe vijoj ta them se dënimi për shpërdorim të detyrës, kur nga shpërdorimi nuk ka pasojë, quhet BOLSHEVIZËM ligjor.

Jam i bindur në këtë llogjikë.

Lexojeni Kodin Penal dhe do bindeni që është kështu.

Zyrtari publik kur e shpërdoron detyrën nuk e bën për fiksim as si qëllim në vetvete, por për të arritur një pasojë të paligjshme. Ky është kuptimi ligjor i kësaj vepre penale.

Në fakt drejtësia e vërtetë të provon dhe të gjykon për pasojat që sjell veprimi ose mosveprimi. Shpërdorimi i detyrës në vetvete nuk është as qëllim e as pasojë, por mund të jetë një mjet për të arritur një pasojë kriminale.

LEXO EDHE  Borell e fajëson Kosovën para Bërnabiqit se nuk po tregon vullnet për dialog

Këtij kuptimi duhet ti qëndrojë çdo arsyetim apo interpretim ligjor.

Në rastin Tahiri, meqë ka kuriozitet këto ditë, llogjika është njësoj. Ose Ai shpërdoroi detyrën dhe lejoi drogën, ose nëse nuk provohet pasoja ska më asnjë kuptim shpërdorimi i detyrës.

Kjo është llogjikë, jo pasion. Aq më pak politikë… Po të ishte për politikë mund të hidha dhe unë një dorë baltë.

Drejtësia qartësisht nuk i provoi lidhjet e detyrës së “shpërdoruar” me drogën. Ndaj nuk ka llogjikë të fortë ligjore dënimi për detyrën, sepse pasoja nuk u provua.

I qëndroj kësaj pikpamje edhe për të përçudnuar të tjerë nga llogjika bolshevike e zbatimit të Kodit Penal.

I qëndroj jo për politikë, por për drejtësi!

Drejtësia as integrimi nuk bëhen me show pa lidhje llogjike dhe qasje të
drejtë.

E përsëris asnjë qëllim apo kuptim politik ka ky mendim që e kam shprehur në mënyrë konstante.