Tirana po provon se këtë sezon se po shkëlqen në të gjitha nivelet jo vetëm me ekipin e parë.
Bardheblutë 17-vjeçarë fituan titullin kampion për Grupin A të Kategorisë Superiore U17. Këtë triumf skuadra e arriti në mënyrën më të mirë të mundshme duke shkatërruar në finale Partizanin me rezultatin 4-0.
Takimi u luajt në “Selman Stërmasi” dhe Tirana U17 dominoi të gjithë takimin duke mos hasur në rezistencën e të kuqve. Për ekipin shënuan Meculi, Karaj dhe Birçe i cili realizoi një dopietë.
