Veliaj kallzohet në SPAK për moskallëzim krimi

Kryebashkiaku Erion Veliaj kallzohet penalisht në SPAK me akuzën e moskallëzimit të krimit, shpifje dhe prishje të imazhit. Padia i është ngritur nga Ylli Ndroqi, Presidenti i Yldon Media Group.

“Shkak për këtë janë bërë deklarimet e bëra në media apo në reagimet ndaj gazetarëve të Rtv Ora apo Ora News.

Përmes tyre ai ka përhapur qëllimisht ndaj z.Ndroqi deklarata të rreme dhe të pa vërteta, të cilat cënojnë nderin dhe dinjitetin e tij.

Duke qenë se z. Veliaj publikisht e ka pranuar se është në dijeni të faktit se persona të cilët ai “i njeh me emër dhe mbiemër”, kanë kryer krimet, kishte detyrimin ligjor për kallëzimin e tyre.

LEXO EDHE  Berisha: Në 11 Dhjetor rithemelojmë PD-në, i kthejmë opozitën Shqipërisë

Ndodhur në këtë situatë z. Veliaj ka fshehur krime të shumta që kanë ndodhur ose kanë tentuar të ndodhin në institucionin që ai drejton dhe për të cilin ai deklaron se ka dijeni të plotë, madje se i njeh ata me emër dhe mbiemër”, thuhet në kallzimin penal, publikuar nga Oranews.