Trupa gjykuese ndaj Tahirit/ Ja kush e zëvendëson gjyqtaren Nure Dreni, e shkarkuar nga Vetting

Nure Dreni, gjyqtarja e Apelit në Gjykatën Speciale, u skulifikua nga Vetting, një ditë më parë, ndërsa veç të tjerash, u ngrit pikëpyetja lidhur me ecurinë e gjyqit të Sajmir Tahirit, ish-ministër i Brendshëm.

Për këtë të fundit, SPAK ka kërkuar dënimin me 12 vjet burg, ndërkohë që Tahiri kërkoi pafajësi.

Në kushtet e largimit të Drenit, trupa gjykuese është plotësuar me gjyqtarin Dhimitër Lara.

LEXO EDHE  Hekurudha Durrës-Rrogozhinë, 229 prona mund të preken nga ndërtimi

Seanca, ku pritet të jepet vendimi për Tahirin dhe Jaeld Çelën, për të cilët SPAK ka kërkuar 12 vjet burg për secilin, do të mbahet më 24 qershor. Trupa gjykuese do të përbëhet nga Nertina Kosova, Dhimitër Lara, që zëvendëson Nure Drenin, dhe Albana Boksi.

Të tre gjykatësit janë konfirmuar nga vetingu.