Sarri humbet besimin e lojtarëve të Juventus, e ardhmja e italianit në dyshim

Pas finales së humbur në Kupë ndaj Napolit, atmosfera te Juventusi është e zymtë.

Juventusi prej kohësh nuk bind në lojë dhe së fundmi edhe rezultatet kanë qenë negative. Tashmë sipas asaj që shkruan “La Gazzetta dello Sport”, tashmë Sarri përveç tifozëve, ka humbur edhe mbështetjen e lojtarëve të tij.

Italiani u afrua te Juventusi nga drejtuesit me qëllimin për të ndryshuar lojën e skuadrës, por gjatë gjithë sezonit ajo nuk ka ardhur, teksa në ndeshjet e fundit ai ka zhgënjyer totalisht, me Juventusin që nuk arriti të shënojë gol as ndaj Milanit që luajti për më shumë se 75 minuta me 10 futbollistë dhe as ndaj Napolit.

LEXO EDHE  Statistikat/ 5 arsyet përse Lewandowski është më i miri

Kjo ka irrituar së tepërmi në kampin bardhezi, teksa tashmë trajneri italian rrezikon seriozisht shkarkimin.