Kategoria Superiore/ Përfundojnë pjesët e para, ja rezultatet në Tiranë dhe Vlorë

Kanë përfunduar 45-minutat e para të dy ndeshjeve të orës 17:00 të vlefshme për javën e 30-të të Kategorisë Superiore.

Në Vlorë luhet sfida ndërmjet Flamurtarit dhe Partizanit. Në këtë sfidë janë shënuar dy gola të shpejtë ndërsa pjesa e parë ka përfunduar në shifrat 1-1. Fillimisht ishin të kuqtë ata që kaluan në avantazh me anë të Bitrit në minutën e 36-të. Vetëm dy minuta më vonë Souza ka rikthyer baraspeshën.

LEXO EDHE  Sulmi me tritol në shtëpinë e Dukës, reagon presidenti i Federatës së Kosovës

Në takimin tjetër, Tirana kryeson me rezultatin 2-0 ndaj Vllaznisë në “Selman Stërmasi”. Golin e parë bardheblutë e shënuan në minutën e 30-të me anë të Agustin Torassa-s. Vetëm gjashtë minuta më pas Ngoo ka dyfishuar rezultatin.

Gjithsesi Tirana ka marrë një lajm të keq, pasi në sekondat e fundit të 45 minutave të para, Hoxhallari është ndëshkuar me kartonin e kuq duke e lënë skuadrën me 10 futbollistë për pjesën e mbetur të lojës.