Gjykata në Spanjë ka vendosur që Neymar duhet t’i kthejë Barcelonës plot 6.7 milionë euro.
Neymar kishte paditur Barcelonën për bonuse të padhëna ndaj tij që arrinin vlerën e 43.6 milionë eurove, por, gjykata jo vetëm që nuk ia ka aprovuar këtë kërkesë, por e ka dënuar atë që t’i japë Barcelonës 6.7 milionë euro.
Një përfaqësues i skuadrës së Barcelonës në Gjykatë ka deklaruar: “FC Barcelona shpreh kënaqësinë e saj për vendimin e shpallur sot nga Gjykata Sociale numër 15 në lidhje me padinë që përfshin klubin e Barcelonës dhe lojtarin Neymar Jr, për sa i përket shumës së bonusit në rinovimin e fundit të kontratës me lojtarin.
“Vendimi ka hedhur poshtë pretendimet e lojtarit për pagesën prej 43,6 milionë euro të klubit ndaj tij. Gjithashtu Gjykata ka pranuar edhe argumentet mbrojtëse të paraqitura nga Barcelona dhe për pasojë lojtari duhet t’i kthejë klubit 6.7 milionë euro.“
