Kryeministri Edi Rama ka ndarë një video në rrjetet sociale, ku tregohet se si një berber në zonën e Cërrikut ka marrë tre pagat e luftës.
Në këtë video shfaqet edhe drejtoresha e tatimeve Delina Ibrahimaj, e cila takon përfituesit e pagës së luftës teksa bisedon për periudhën e vështirë.
Rama shkruan se Luli është një nga 5900 zanatçinjtë që kanë marrë sot tre paga lufte.
“Lulzim Meta është shembull i njeriut të punës e zanatit, që prej 25 vitesh mban familjen me të ardhurat nga berberania e tij në Cërrik.
Luli, siç e thërret klientela e tij besnike është një nga 5900 zanatçinjtë berberë e parukierë të vendit që deri sot kanë marrë tre paga lufte nga 26 mijë lekë, si bonus i drejtpërdrejtë financiar pas mbylljes së aktivitetit të tyre prej Covid19″, shkruan Rama në rrjet.
