Statistika mbresëlënëse e Coman, është vetëm 24-vjeç dhe ka fituar 8-të tituj kampionë! Detajet

Tre ditë pasi mbushi 24-vjeç, talenti i Bayern Munich, Kingsley Coman festoi titullin e tij të 8-të kampion në karrierën e tij.

Sulmuesi francez, në fitoren e Bayern-it ndaj Werder Bremen siguroi titullin e pestë me bavarezët, duke shtuar në llogari edhe një titull të Serie A me Juventusin dhe dy në Ligue 1 si lojtar i PSG-së e çon në 8-të numrin e titujve kampionë në 3 vende të ndryshme.

Karrierën e tij profesioniste ai e filloi në moshën 16-vjeçare me PSG-në në vitin 2013 dhe që prej asaj kohe suksesi ka qenë i pandërprerë në karrierën e tij. Coman e fitoi titullin e tij të parë në Ligue 1 kur në stol ishte Carlo Ançelotti, ndonëse me fanellën e PSG-së atë sezon luajti vetëm tre minuta. Sezonin pasardhës dy prezenca në fushë për një total prej 36 minutash dhe vjen titulli i dytë në moshën 17-vjeçare.

LEXO EDHE  VIDEO/ Juventus shënon dy gola në dy minuta, por VAR i prish festën Morata-s

Më pas kaloi me parametër zero në Torino ku fitoi Serie A në sezonin 2014-2015 dhe sezonin tjetër kaloi në Gjermani ku fitoi Bundesligën 5 herë radhazi me Bayern Munich, tashmë si protagonist.