Babai i Andi Malokut letër Yuri Kim, Ramës dhe Sorecës: Të ndëshkohen vrasësit

Babai i Andi Malokut të vrarë në atentatin ndaj ish-prokurorit Arjan Ndoja i ka dërguar një letër publike kryeministrit Edi Rama, ministrit të Brendshëm, Sandër Lleshaj, Drejtorit të Policisë së Shtetit, Ardi Veliu, ambasadorëve Luigi Soreca e Yuri Kim.

Genc Maloku shkruan se kërkon ndëshkim për autorët e krimit, ndërkohë që kjo letër përkon me vendimin e Gjykatës së Posaçme të Apelit ditën e sotme ku nuk pranoi kërkesën e Redjan Rrajës, njërit prej autorëve të dyshuar të atentatit për ta liruar nga burgu.

Ai kërkon ndërhyrjen në gjendjen e paligjshme që sipas tij po vijon me hetimet ndaj ngjarjes që i morën jetën të birit. Teksa radhit parrëgullsitë dhe shkeljet, Maloku shkruan se shpërfillja e institucioneve ndaj çështjes janë të pajustifikuara dhe nuk mund të vazhdojë. Ai kërkon paanshmëri në proces.

LEXO EDHE  Berisha: Në 8 vite janë dhënë 3800 tendera sekretë, vjedhje e turpshme

Andi Maloku, shoferi i prokurorit Arjan Ndoja mbeti i plagosur pas atentatit në Shkozet në nëntor të 2019.

Maloku ishte personi i cili i shpëtoi jetën prokurorit Ndoja, pasi pavarësisht se makina me të cilin udhëtonte ishte me një shpejtësi mjaft të madhe, manovrat e tij bën që të plagosurit t’i shpëtonin vdekjes.

Mësohet gjithashtu, se 24 vjeçari nuk ka punuar asnjë ditë vetme në polici, dhe se punonte me Ndojën, me një rrogë modeste 30 mijë lekë të reja punë që për të rezultoi fatale.