Kategoria Superiore/ Përfundojnë pjesët e para, ja rezultatet e ndeshjeve në Elbasan dhe Shkodër

Sapo kanë përfunduar pjesët e para të dy ndeshjeve të orës 17:00 në Kategorinë Superiore.

Kështu Kukësi udhëheq 3-0 ndaj Flamurtarit në ndeshjen e cila luhet në stadiumin “Elbasan Arena”. Golat për verilindorët u shënuan nga Kristal Abazaj, Shkurtaj dhe Rroca përkatësisht në minutat  4’, 27’ dhe 42’.

Një sfidë e zgjidhur që në 45 minutat e para për Kukësin, të cilët me shumë mundësi i gëzohen fitores së radhës.

LEXO EDHE  VIDEO/ Rasti i humbur nga Carrillo kundër Real Madrid bën xhiron e rrjetit

Nga ana tjetër në “Loro Boriçi” në Shkodër, po zhvillohet takimi midis Vllaznisë dhe Bylisit. Në pjesën e parë skuadrat janë ndarë në barazim 1-1. Të parët në avantazh kaluan miqtë aty ku Mellugja, u tregua i saktë nga pika e bardhë e penalltisë në minutën e 15-të.

Reagimi për vendasit erdhi nga Gurishta në minutën e 24-t duke vendosur baraspeshën.