Kategoria Superiore/ Luhen sot katër ndeshje të javës së 29-të, spikat Teuta-Tirana

Ditën e sotme zhvillohen katër ndeshje shumë të rëndësishme të vlefshme për javën e 29-të të Kategorisë Superiore.

Të gjithë sytë janë në Durrës, aty ku mbyllet java e 29-të e kampionatit, me përballjen Teuta-Tirana. Durrsakët duan kupat Europës, kurse Tirana të ruajë distancën me Kukësin ndjekës.

Verilindorët luajnë në Elbasan me Flamurtarin dhe fitorja është detyrim. Vlonjatët janë të fundit dhe pa asnjë objektiv, kurse Kukësi është i motivuar në maksimum për ta mbyllur me sukses dhe për të pritur ndonjë dhuratë nga Durrësi.

LEXO EDHE  Lille zyrtarizon Edon Zhegrovën

Një ndeshje e fortë luhet edhe në Korçë, ku Skënderbeu i vendit të tretë përballet me Laçin ndjekës. Dy skuadra që kanë pasur stabilitet dhe që synim kanë kualifikimin në kupat e Europës.

Nga ana tjetër në Shkodër, Vllaznia e Bylisi duan të shmangin “play off”-in dhe takimi i sotëm është shumë i rëndësishëm.