Kupa e Italisë/ Napoli-Inter, formacionet e mundshme

Napoli dhe Interi do të përballen mbrëmjen e sotme në një sfidë nga ku do të dalë finalisti i dytë i Kupës së Italisë pas Juventusit.

Vendasit kanë një avantazh të konsiderueshëm pas kanë fituar ndeshjen e parë 0-1 në “San Siro” ndërsa skuadra e Conte-s duhet të luajë në sulm për të përmbysur rezultatin.

Për zikaltërit në sulmin pritet ta udhëheqin as Lukaku e Lautaro Martinez, të cilët do të mbështeten nga Eriksen. Në mbrojtje i riu Bastoni luan krah Skriniar dhe De Vrij, kurse nga krahët Candreva e Young. Në qendër të mesfushës janë përzgjedhur Brozovic e Barella.

LEXO EDHE  Statistikat/ 5 arsyet përse Lewandowski është më i miri

Te Napoli nuk ka vend për Elseid Hysajn nga fillimi. Di Lorenzo preferohet para tij në të djathtë të mbrojtjes. Koulibaly, Maksimovic dhe Mario Rui plotësojnë katërshen e këtij reparti, kurse në mesfushë mendohet të luajnë Allan, Zielinski dhe Demme. Mertens e Insigne projektohen për sulmin, mbështetur nga Politano.

Formacionet e mundshme:

NAPOLI (4-3-3): Ospina; Di Lorenzo, Koulibaly, Maksimovic, Mario Rui; Allan, Demme, Zielinski; Politano, Mertens, Insigne.

INTER (3-4-1-2): Handanovic; Skriniar, De Vrij, Bastoni; Candreva, Barella, Brozovic, Young; Eriksen; Lukaku, Lautaro Martinez.