Shkencëtarët po testojnë plazmën e marrë nga gjaku i të mbijetuarve nga Covid-19 për të parë nëse ndihmon për të parandaluar infektimin.
Personat e shëruar tashmë janë duke dhuruar gjak në mënyrë që të përdoret për të ndihmuar studimet që janë duke u zhvilluar apo edhe për të trajtuar personat që janë aktualisht të sëmurë.
Ende nuk është plotësisht e qartë nëse plazma e marrë nga pacientët e shëruar rrit shanset e mbijetesës për ata që janë ende duke luftuar me virusin, por, nëse rezulton parandaluese, ky mund të jetë një burim i madh i pashfrytëzuar deri më tani.
“Kemi grimca shprese”, është shprehur Dr. Shmuel Shoham nga Universiteti Johns Hopkins, i cili prite të nisë studimin ku marrin pjesë 150 vullnetarë për të zbuluar nëse plazma e pasur me qeliza imune mund të parandalojë infeksionin.
Mijëra pacientë me koronavirus në spitale në të gjithë botën janë trajtuar me të ashtuquajturën plazma konvulsive, përfshirë këtu edhe më shumë se 20,000 amerikanë.
Një studim lidhur me këtë çështje u bë dhe në Kinë, por nuk pati rezultate të qarta.
