Kongresmeni amerikan, Eliot Engel, në një deklaratë zyrtare, është shprehur se marrëveshja e Reformës Zgjedhore në Shqipëri, përpmban disa hapa të denjë.
Më tej, Engel i bën thirrje palëve të vazhdojnë punën mbi reformën, në mënyrë që demokracia të jetë e fortë dhe me bazë të gjerë.
Kongresmeni amerikan, thekson se parlamenti duhet të marrë parasysh të gjithë zërat dhe të marrë një masë shtesë në të ardhmen e afërt e cila do të përfshinte lista të hapura dhe duke u mundësuar shqiptaro-amerikanëve dhe shqiptarëve të tjerë në të gjithë diasporën që të votojnë në zgjedhjet e 2021 në vendin e tyre të vendbanimit.
Deklarata e plotë
Marrëveshja e reformës zgjedhore në Shqipëri përmban disa hapa të denjë. Ajo përfshin dispozita që depolitizojnë administratën e zgjedhjeve, zgjerojnë transparencën dhe forcojnë pavarësinë e administratës zgjedhore.
Më e rëndësishme, do i lejojë Shqipërisë të fillojë procesin e anëtarësimit në BE dhe duhet të kthehet në ligj.
Thënë kjo, parlamenti duhet të marrë parasysh të gjithë zërat dhe të marrë një masë shtesë në të ardhmen e afërt e cila do të përfshinte lista të hapura dhe duke u mundësuar shqiptaro-amerikanëve dhe shqiptarëve të tjerë në të gjithë diasporën që të votojnë në zgjedhjet e 2021 në vendin e tyre të vendbanimit.
U bëj thirrje miqve të mi në Shqipëri që të vazhdojnë punën për reformën zgjedhore në mënyrë që demokracia juaj të jetë e fortë, me rrënjë të qëndrueshme dhe me bazë të gjerë.
